بالاس في البيوت الفلكية

بالاس في البيوت الفلكية

بالاس في برج الحمل

يدافع عن القضايا الي يؤمن فيها و بقوة. هو من النوع الهجومي إذا حس أن مبادئه ومعتقداته انداس عليها ولايسكح في هالشيء ابداً

صادق في كلامه وأسلوبه، و مؤمن تماماً بما يقوله حتى لو كان غير واقعي.

يحب يلعب دور "الثائر المناضل" و يحفّز غيره ويهيجهم على النضال .

بالاس في برج الثور

مبدع ويحب الفنون ويقدر يدمج بين الذكاء والفن والجمال، صاحب شخصية طموحة فنياً، يدافع عن أفكاره ومبادئه بشكل متحضر وراقي، و لا يسيء لأحد إنما يبيّن الأدلة الواقعية. صاحب شخصية حيادية في أسلوبه وطريقته ولا يتنازل عن حقوقه .

بالاس في برج الجوزاء

يملك عقل غرقان في الإبداع وعنده قدرة عظيمة بالتعبير عن وجهة نظره، يقدر يكون النجم في إلقاء الخطابات وممكن يكون صاحبه ناشط سياسي وشخص يعتمد عليه لعدله، لكن الاغلب يحذر منه ويخاف لأنه مايعبر عن اللي بصدره.

بالاس في برج السرطان

ممكن يكون متعصب دينياً أو ثقافياً أو عرقياً أو سياسياً والسبب انه يشوف نفسه مظلوم ولازم يدافع عن نفسه ويتحرر ومتعلق بهالأسلوب وممكن يكرهونه اللي حوله بسبب هالتصرف! مايتعدى على أحد او ينتقم ، بس دفاع عن مبدأ او فكرة!

بالاس في برج الاسد

عظيم بالإبداع ودبلوماسي، اغلبية الناس يأخذون برأيه أويعطونه كل انتباههم ويسمعون له. بالاس الاسد يعطيهم الذكاء والمهارات الدبلوماسية والعدل وينجحون بالقانون وحل المنازعات بين الناس، شخصيته موثوقة وقوية وكثير اللي يلجأون له ويطلبون حمايته و شوره وعونه.

بالاس في برج العذراء

من أكثر الشخصيات دبلوماسية وقدرة على اختيار الشغل اللي يناسبه بأي وقت، اقصد بالشغل هو أي جهد أو مهمة او حتى طبخة ، يقدر يحل مشكلاته بسهولة، و يختار الطريقة المثالية و يتجنب الخساير وتضييع الوقت، يحب يناقش بقضايا جوهرية وبأسلوب حضاري، و يحاول ما يؤذي شعور اللي يحكي معهم ويجيب لهم ادلة قوية وبأسلوب ذرب ومحترم.

بالاس في برج الميزان

شخصيته عادلة خصوصا لما يتكلم عن أفكاره وقناعاته ومبادئه، ويعطي الناس الحرية عشان يتكلمون عن مبادئهم الجوهرية ويحسسهم انها مو اقل أهمية من ارائه.

أيضا صاحب بالاس الميزان من النوع اللبق الدفاعي اللي يقول كلام لبق ولطيف ويوصل المعنى المطلوب.

بالاس في برج العقرب

من النوع السري أو الغامض لما يكون الموضوع يتعلق بإيمانه، والاشياء اللي يقتنع فيها ، أي مبدأ أو ثقافة تشغل الناس يشوفها شي غامض يقدر صاحب بالاس العقرب انو يخليك تحكي عن افكارك من دون ما تسمع منه كلمة، لا يهتم انه يقنعك او تقنعه.

بالاس في برج القوس

مايقدر يسكت على شي باطل و يحب يتكلم بكل شي يتعلق بالسياسة والثقافة بشكل جريء وعفوي و مُحرج للبعض، يمتلك فكر عالي ومتطور و طموحاته السياسية و الثقافية عالية جداً ويطمح يوصل لشيء كبير عبر فكره السياسي المرن .

بالاس في برج الجدي

ذكي جداً وتفكيره استراتيجي ولا يفضفض لأحد باستراتيجياته، وعنده ايمان بأنه على حق ولا يهتم لآراء المخالفين له، لكن مو معناها انه مايحترمهم، بالاس الجدي بيكون زي الجندي المجهول اللي ماتعرف وش قد هو عظيم الا بعد ما ينتهي كل شيء.

بالاس في برج الدلو

مثالي جداً، و تفكيره حر ومستقل ويكره يتدخل فيه احد أو انه يتدخل في أحد. عنده حياة خاصة مالها حدود ومايحب يشاركها مع أحد، يتوقعون الناس ان ما له لا رأي ولا فكر ولا مبدأ لكنهم يتفاجئون بحكمته وجرأته وعظم تفكيره خصوصاً بالفكر اللي يتعلق بالمستقبل والتطور، مو تقليدي ويحب يمارس كل سياسة فيها تقدم و تغيير وحرية.

بالاس في برج الحوت

يقدر يمزج ما بين الفكر والحدس. يعني لكل معلومة أو فكرة عنده لها روح خاصة في عالم الغيبيات ويؤمن بوجودها بس ما يدركها، أو ممكن يدركها يدركها، صاحب ذوق عالي وشخص يعرف كيف يختار اي شي فني وموسيقي يحترم الفن.

بالاس في البيوت الفلكية